နေ့စွဲမရှိတဲ့အချစ်

မမေ့ရဲပေမယ့်
တစ်နေ့ခွဲရမှာတော့ သိတယ်ခင်။
နေ့စွဲမဲ့အချစ်၊
မမေ့ရဲတဲ့ အဖြစ်တွေမို့၊
ယနေ့လည်း သစ်ဆဲ သစ်မြဲလို့ထင်။
“ဘာသံမှ မကြားချင်ဘူးနော်” တဲ့၊
အမိန့်တော်လို အမှာစကားတွေနဲ့၊
အခါတစ်ပါးက သူ့သံစဉ်၊
အခုပြန်မြင်ရဲ့ သူ့အမူအနွဲ့။
တစ်ရံခါဆီက၊
ဒဏ္ဍာရီလို အဖြစ်တစ်ခုလို့၊
ချစ်သူ့အတွေးမှာ ပုံပြင်မှတ်ပါသလား …၊
စိမ်းပြတ်နာ မာနအငွေ့တွေနဲ့၊
တိမ်းဖြတ်ကာ ထာဝရမေ့ချင်လို့၊
မတွေ့သာအောင် သခင်ခွဲတော့မှ
ရင်ထဲမှာ ဝေဒနာကျွမ်းကာ
အချစ်ရယ် ……. လွမ်းလို့ကျန်ရဲ့ …. ။

မောင်စိန်ဝင်း (ပုတီးကုန်း)